लज्जास्पद हारपछि बर्नमाउथले बर्खास्त गरे मुख्य प्रशिक्षक

काठमाडौँ- इंग्लिस प्रिमियर लिग क्लब बर्नमाउथले मुख्य प्रशिक्षक स्कट पार्करलाई बर्खास्त गरेको छ । लिग अन्तर्गतको चौथोँ खेलमा गत शनिबार लिभरपुलसँग ९-० को लज्जास्पद हार बेहोरेको तीन दिनपछि नै बर्नमाउथले मुख्य प्रशिक्षक पार्करलाई बर्खास्त गरिएको क्लबले जनाएको छ ।

जारी सिजनको लिग अन्तर्गत बर्नमाउथले ४ मध्ये ३ खेलमा पराजय र एक खेलमा जित हात पारेको छ ।  

---

पार्करले इंग्लिस क्लब फुलह्याम छाड्दै १४ महिना अघि बर्नमाउथ आएका थिए । गत सिजन पार्करले बर्नमाउथलाई प्रिमियर लिगमा बढुवा गराएका थिए ।

स्काइस्पोर्टसका अनुसार ग्यारी ओ’नेल अन्तरिम प्रशिक्षक नियुक्त भएका छन् । क्लबले चाडै नयाँ प्रशिक्षक नियुक्त गरिने जनाएको छ ।