काठमाडौँ- आजबाट सुरू भएकाे महिला साफ च्याम्पियनसीप फुटबल प्रतियोगितामा भुटानविरुद्ध नेपालले जित हात पारेकाे छ । नेपालले भुटानविरुद्ध ४-0 ले जित हात पारेकाे हाे ।

काठमाडौँको त्रिपुरेश्वरस्थित दशरथ रंगशालामा आजबाट सुरु भएकाे छैटौँ संस्करणको साफ महिला फुटबल च्याम्पियनसीपमा पहिलाे र दाेस्राे गाेल सावित्रा भण्डारीले गरिन् । उनले खेलकाे  १२ ‍ओँ र ६७ औँ मिनेटमा पहिलाे र दाेस्राे गाेल गरेकी हुन् ।

---

यस्तै खेलकाे ७२ औँ मिनेटमा अनिता बस्नेतले तेस्राे  र ८४​ गाेल औँ मिनेटमा चाैँथाे गाेल गरिन् । भुटानले भने कुनै पनि गाेल गर्न सकेन ।

च्याम्पियनसीपको उद्घाटन खेलमा समूह ‘बी’ मा रहेका नेपाल र भुटानबीच खेल भएकाे हाे । खेलमा चार मिनेट थप गरिएकाे थियाे ।

समूह ‘बी’ मा नेपाल, भुटान र श्रीलंका रहेका छन् । नेपालले दोस्रो खेल श्रीलंकाविरुद्ध सेप्टेम्बर १२ मा खेल्नेछ । समूह ‘ए’ मा भने पाँच पटककै विजेता भारतसहित पाकिस्तान, माल्दिभ्स र बंगलादेश रहेका छन् ।