च्याम्पियन्स लिगः सिटीको शानदार जित, चेल्सी पराजित

काठमाडौँ- अर्लिङ हालान्डले दुई गोलको मदतमा इंग्लिस क्लब म्यानचेस्टर सिटीले च्याम्पियन्स लिग अन्तर्गत शानदार सुरुवात गरेको छ । समूह ‘जी’ अन्तर्गत सिटीले स्पेनिस फुटबल क्लब सेभियामाथि ४-० को शानदार जित हात पारेको हो ।

सिटीको जितमा नर्वेजिनय फरवार्ड हालान्डले दुई गोल गर्दा फिल फोडेन र रुवेन डियाजले एक-एक गोल गरे । समूह ‘जी’ अन्तर्गत नै बोरुसिया डर्टमन्डले एफसी कोपनहेगनलाई ३-० ले पराजित गर्‍यो ।

---

यता समूह ‘ई’ अन्तर्गत इंग्लिस क्लब चेल्सीले क्रोयसियन क्लब डाइनामो जाग्रेबसँग १-० ले पराजित भएको छ ।

त्यसैगरी, स्पेनिस क्लब रियल मड्रिड तथा फ्रेन्च क्लब पेरिस सेन्ट जर्मेनले जित हात पारेका छन् ।