साफ यू-१७: नेपाल र भुटान भिड्दै

काठमाडौँ- श्रीलंकामा जारी साफ यु–१७ पुरुष फुटबल च्याम्पियनसीपमा नेपालले आज आफ्नो पहिलो खेल भुटानविरुद्ध खेल्दैछ ।

नेपाल र भुटानबीचको खेल नेपाली समय अनुसार राति ८:१५ मा कोलम्बोस्थित रेसकोर्स इन्टरनेसनल ग्राउण्डमा सुरु हुनेछ । समूह ‘बी’ अन्तर्गत रहेको नेपालले भुटानमाथि जित हात पार्दै च्याम्पियनसीपमा सुखद सुरुवात गर्न चाहन्छ ।

---

यस समूहमा नेपालसँगै भारत पनि रहेको छ । नेपालले दोस्रो खेल भारतविरुद्ध सेप्टेम्बर ९ मा खेल्ने तालिका रहेको छ ।

समूह ‘ए’ मा भने श्रीलंका, बंगलादेश र माल्दिभ्स रहेका छन् ।