भुटानसँग नेपाल पराजित

काठमाडौँ- बहराइनमा जारी एएफसी यू-२० च्याम्पियनसीप २०२३ को छनोट अन्तर्गत नेपाल पहिलो खेलमै भुटानसँग पराजित भएको छ । बहराइनको खलिफा स्पोर्ट्स रंगशालामा शनिबार भएको समूह ‘बी’ को पहिलो खेलमै भुटानले नेपाललाई २-० ले पराजित गरेको हो । भुटानको जितमा सोनाम चोजाङ र कर्मा टासी जाम्सोले एक-एक गोल गरे ।

३३ औँ मिनेटमा गोल गर्दै सोनामले भुटानलाई अग्रता दिलाएका थिए । कर्माले ४७ औँ मिनेटमा गरेको गोलसँगै भुटानले जित हात पार्‍यो । ​इन्जुरी समयमा नेपाल १० खेलाडीमा सिमित भएको थियो । अभिषेक वाइबाले फल गरेपछि रेफ्रीले उनलाई सिधै रातो कार्ड दिएका थिए ।
 

---