लिभरपुलले जित्दा टोटेनहम पराजित

काठमाडौँ- च्याम्पियन्स लिगअन्तर्गत इंग्लिस क्लब लिभरपुलले जित हात पार्दा टोटेनहम पराजित भएको छ । समूह ‘ए’ अन्तर्गतको खेलमा लिभरपुलले नेदरल्यान्ड्सको अयाक्सलाई २-१ गोल अन्तरले पराजित गर्दै पहिलो जित हात पारेको हो ।

यस अघि पहिलो खेलमा इटालियन क्लब नापोलीले लिभरपुललाई ४-१ गोल अन्तरले पराजित गरेको थियो ।

---

मंगलबार राति भएको खेलमा लिभरपुललाई जित दिलाउन मोहमद सलाह र जोएल माटिपले एक-एक गोल गरे । अयाक्सका लागि एकमात्र गोल मोहमद कुडुसले गरे ।

यता समूह ‘डी’ अन्तर्गत पोर्चुगिज क्लब स्पोर्टिङ लिजबनले इंग्लिस क्लब टोटेनहमलाई २-० गोलअन्तरले पराजित गरेको हो । लिजबनलाई जित दिलाउन डियाज फर्नान्डेज र गोमेज लौरेन्कोले एक-एक गोल गरे ।

समूह अन्तर्गत पहिलो खेलमा टोटेनहमले फ्रेन्च क्लब मार्सेललाई २-० ले पराजित गरेको थियो ।