न्वानेरी बने इंग्लिस प्रिमियर लिग खेल्ने सबैभन्दा कान्छा खेलाडी

काठमाडौँ- इथान न्वानेरी इंग्लिस प्रिमियर लिगमा खेल्ने सबैभन्दा कम उमेरका खेलाडी बनेका छन् । इंग्लिस प्रिमियर लिग अन्तर्गत ब्रेन्टफोर्डविरुद्ध ३-० अन्तरको जित निकाल्दा न्वानेरीले आर्सनलका लागि १५ वर्षको उमेरमै मैदानमा उत्रिएका हुन् ।

सन् २००७ को मार्च २१ मा जन्मिएका इंग्लिस फुटबलर न्वानेरीले फावियो भिएराको स्थानमा इन्जुरी समयमा मैदानमा उत्रदा उनी १५ वर्ष र १ सय ८१ दिन पुगेका थिए ।

---

यसअघि हार्भे इलियोट प्रिमियर लिग खेल्ने सबैभन्दा कान्छा खेलाडी थिए । उनले सन् २०१९ मा फुलह्यामविरुद्ध लिभरपुलका लागि मैदानमा उत्रदा इलियोट १६ वर्ष र ३० दिनका थिए ।

न्वानेरी १६ वर्ष मुनि प्रिमियर लिग खेल्ने पहिलो खेलाडी समेत बनेका छन् ।