युक्रेनमाथि स्कटल्यान्डको शानदार जित

काठमाडौँ- युईएफए नेसन्स लिग अन्तर्गत स्कटल्यान्डले युक्रेनमाथि शानदार जित हात पारेको छ । बिहीबार बिहान भएको खेलमा स्कटल्यान्डले युक्रेनलाई ३-० गोलअन्तरले पराजित गरेको हो ।  

यससँगै फिफा विश्वकपको प्ले-अफमा युक्रेनविरुद्ध भोगेको पराजयको बदला समेत स्कटल्यान्डले लिन सफल भएको छ । स्कटल्यान्डको जितमा लायडन डायक्सले दुई गोल गर्दा जोन म्याकगिनले एक गोल गरे । जोनले ७० औँ मिनेटमा गोल गर्दै स्कटल्यान्डले अग्रता दिलाएका थिए ।

---

त्यसपछि लायडनले ८० औँ तथा ८७ औँ मिनेटमा गोल गर्दै स्कटल्यान्डको जित सुनिश्चित गरे ।