युरोपा लिगः आर्सनल विजयी

काठमाडौँ- युरोपा लिग अन्तर्गत इंग्लिस क्लब आर्सनलले लगातार दोस्रो जित हात पारेको छ । समूह ‘ए’ मा रहेको आर्सनलले नर्वेजियन फुटबल क्लब बोडोलाई ३-० गोल अन्तरले पराजित गरेको हो ।

आर्सनलको जितमा एड्डी नकेटिया, रोब होल्डिङ र फावियो भियराले एक-एक गोल गरे । एड्डीले खेलको २३ औँ मिनेटमा गोल गर्दै आर्सनललाई अग्रता दिलाएका थिए । रोबले २७ औँ मिनेटमा अग्रता दोब्बर पारे ।

---

फावियोले ८४ औँ मिनेटमा गरेको गोलसँगै आर्सनलले लिगमा लगातार दोस्रो खेलमा जित हात पार्‍यो । जितसँगै आर्सनल समूहको शीर्षस्थानमा उक्लिएको छ ।