रोनाल्डोको क्लबस्तरमा ७ सय गोल

काठमाडौँ- पोर्चुगिज स्टार फुटबलर क्रिस्टियानो रोनाल्डोले क्लबस्तरमा ७ सय गोल पुरा गरेका छन् । इंग्लिस प्रिमियर लिग अन्तर्गत म्यानचेस्टर युनाइटेडले एभर्टनलाई २-१ ले पराजित गर्दा रोनाल्डोले एक गोल गरेका थिए ।

एभर्टनविरुद्धको गोलसँगै क्बल स्तरीय खेलमा रोनाल्डोले ७ सय गोल पुरा गरेका हुन् । ३७ वर्षीय रोनाल्डोले ९ सय ४३ खेलमा उक्त उपलब्धी हात पारेका हुन् ।

---

रोनाल्डोले युनाइटेडका लागि मात्र १ सय ४४ गोल गरेका छन् । उनले सबैभन्दा धेरै रियल मड्रिडका लागि ४ सय ५० गोल गर्दा युभेन्टसका लागि १ सय १ तथा स्पोर्टिङ लिसबनका लागि ५ गोल गरेका छन् ।

रोनाल्डोले पोर्चुगलका लागि १ सय ९१ अन्तर्राष्ट्रिय खेल खेल्दै १ सय १७ गोल गरेका छन् ।