फिफा विश्वकपः साविक विजेता फ्रान्स अन्तिम १६ मा

काठमाडौँ- साविक विजेता फ्रान्सले कतारमा जारी फिफा विश्वकप फुटबलको अन्तिम १६ मा स्थान सुरक्षित गरेको छ । समूह 'डी' अन्तर्गत लगातार दुई खेल जित्दै फ्रान्स नकआउट चरणमा प्रवेश गरेको हो ।

दोस्रो खेलमा जित हात पार्न फ्रान्सले डेनमार्कलाई २-१ ले पराजित गर्यो । यस अघि फ्रान्सले पहिलो खेलमा अस्ट्रेलियालाई ४-१ ले पराजित गरेको थियो ।

---

दोस्रो खेलमा जित दिलाउन फ्रान्सका लागि कायलियन एमबाप्पेले दुबै गोल गरे । एमबाप्पेले ६१ औँ र ८६ औँ मिनेटमा गोल गरे । डेनमार्कका लागि एकमात्र गोल एन्ड्रियास क्रिस्टेनसेनले ६८ औँ मिनेटमा गरे ।