फिफा विश्वकपपछिको कतार

काठमाडौँ- अर्जेन्टिना र फ्रान्सबीचको फाइनल खेलपछि आइतबार कतारमा फिफा विश्वकप फुटबल औपचारिक रुपमा समापन भएको छ । १२ वर्षको तयारीपछि २८ दिनसम्म चलेको विश्वकपका कारण कतार गल्लीहरु फुटबल समर्थकले भरिभराउ थियो ।

तर विश्वकप समापन भएको भोलिपल्ट नै अर्जेन्टिना, ब्राजिल, मोरक्कोसँगै सहभागी देशका समर्थकहरूको बाक्लो उपस्थिति हुने कतारको राजधानी दोहामा रहेको चर्चित सोक वाकिफ अहिल सुनसान बनेको छ ।

---

सोक वाकिफमा कपडा पसल संचालन गरिरहेका अहमद सलामका अनुसार विश्वकप सकिएको कुराले उनलाई निराश तुल्याएको छ । सलामले जनाए अनुसार विश्वकपका दौरान कतारको माहोल अविश्वसनीय रहेको तथा उनलाई भ्याइनभ्याइ थियो ।

कतारले विश्वकपका क्रममा कम्तिमा पनि १२ लाख विदेशी पर्यटकको अपेक्षा गरेको थियो ।

विश्वकप सकिएसँगै विभिन्न स्थान झुन्ड्याइएका झन्डा तथा विश्वकप लक्षित बस्तुहरू हटाउन थालिएको छ । रेल स्टेसनहरू सुनासान झै देखिएको छ । तर कतिपय मानिसहरू अझै पनि अर्जेन्टिनाको जर्सी लगाएर बाटोमा हिडिरहेका देखिन्छन् ।

(श्रोतः अलजजिरा)