मेस्सीले पीएसजीसँगको सम्झौता नवीकरण गर्ने

काठमाडौँ- अर्जेन्टिना फुटबल टिमका कप्तान लियोनल मेस्सीले फ्रेन्च क्लब पेरिस सेन्ट जर्मेन (पीएसजी) सँगको सम्झौता नवीकरण गर्ने भएका छन् ।

बीबीसीले जनाएअनुसार मेस्सी र पीएसजीबीच सम्झौता नवीकरण गर्ने सहमति भएको हो ।

---

अर्जेन्टिनालाई फिफा विश्वकपको उपाधि दिलाएका ३५ वर्षीय मेस्सी र पीएसजीबीच २०२३ को जुनसम्मको सम्झौता रहेको छ ।

तर अघिल्लो हप्तानै स्पेनिस क्लब बार्सिलोनाका अध्यक्ष जोआन लापोर्टाले मेस्सी क्लबमा फर्किए खुसी हुने बताए । मेस्सीले बार्सिलोनामा २१ वर्ष बिताएर गत वर्ष पीएसजी गएका थिए ।

पीएसजी र मेस्सीबीच सम्झौता एक वर्ष थप्ने गरी सहमति भएको बताइएको छ ।