एभर्टनलाई पराजित गर्दै युनाइटेड एफए कपको चौथो चरणमा

काठमाडौँ- म्यानचेस्टर युनाइटेड एफए कप फुटबलको चौथो चरणमा प्रवेश गरेको छ । शुक्रबार राति भएको तेस्रो चरणको खेलमा एभर्टनलाई ३-१ गोलअन्तरले पराजित गर्दै युनाइटेड एफए कपको चौथो चरणमा प्रवेश गरेको हो ।

युनाइटेडको जितमा एन्टोनी र मार्कस रासफोर्डले एक-एक गोल गर्दा एभर्टनका कोनोर कोडीले आत्मघाती गोल गरे । कोनोडीले नै एभर्टनका लागि एक गोल फर्काएका थिए ।

---

एन्टोनीले चौथो मिनेटमै गोल गर्दै युनाइटेडलाई अग्रता दिलाएका थिए । तर एभर्टनका कोडीले १४ औँ मिनेटमा गोल गर्दै खेललाई बराबरी अवस्थामा पुर्‍याए । तर कोडीले ५२ औँ मिनेटमा आत्मघाती गोल गरेपछि युनाइटेडले पुनः अग्रता बनाएको थियो ।

त्यसपछि रासफोर्डले दोस्रो हाफको अतिरिक्त समयमा पेनाल्टीमार्पत गोल गरेपछि युनाइटेड खेल आफ्नो पक्षमा पार्‍यो ।