सुजलले गरे मछिन्द्रसँगको सम्झौता नवीकरण

काठमाडौँ- नेपाली राष्ट्रिय फुटबल टिमका मिडफिल्डर सुजल श्रेष्ठले ‘ए’ डिभिजन फुटबल क्लब मछिन्द्रसँगको सम्झौता नविकरण गरेका छन् ।

मछिन्द्रले सामाजिक सञ्जाल फेसबुकमार्फत सुजलसँगको सम्झौता नविकरण गरिएको जनाएको हो । मछिन्द्रले जनाए अनुसार नयाँ सिजनका लागि सुजलसँगको सम्झौता नविकरण गरिएको छ ।

---

मछिन्द्रले लगातार दुई सिजन सहिद स्मारक ‘ए’ डिभिजन फुटबल लिगको उपाधि जितेको थियो । गत सिजन मछिन्द्रले १३ वटै खेलमा अपराजित हुँदै लिगको उपाधि जितेको थियो । मछिन्द्रले ११ खेलमा जित हात पार्दा २ खेल बराबरी खेलेको थियो ।

यस सिजनको लिग फागुन १९ बाट सुरु हुने अखिल नेपाल फुटबल संघले जनाएको छ ।