लिभरपुलका प्रशिक्षक क्लोप भन्छन्, ‘क्लब छाड्ने कुनै योजना छैन’

काठमाडौँ- इंग्लिस प्रिमियर लिग फुटबल क्लब लिभरपुलका मुख्य प्रशिक्षक जर्गन क्लोपले क्लब छाड्ने कुनै योजना नरहेको बताएका छन् । लिभरपुलले इंग्लिस प्रिमियर लिगमा सोचजस्तो प्रदर्शन गर्न सकेको समयमा प्रशिक्षक क्लोपको यस्तो भनाइ सार्वजनिक भएको बीबीसीले जनाएको छ ।

लिगअन्तर्गत लिभरपुल १८ खेलबाट २८ अंक जोड्दै नवौं स्थानमा छ । गत शनिबार ब्राइटनले लिभरपुललाई ३-० ले पराजित गर्‍यो ।

---

तर जर्मन नागरिक क्लोपले भने आफूलाई बाध्य नपारेसम्म क्लब नछाड्ने बताए ।

‘अरुले नभनेसम्म मैले प्रशिक्षकको पद छाड्दिनँ,’ क्लोपले भने । तर उनले क्लबमा ठूलै परिवर्तन आउने दाबी गरे ।