ए डिभिजन लिगः आर्मीमाथि एपीएफको जित

काठमाडौँ- सहिद स्मारक ‘ए’ डिभिजन फुटबल लिगअन्तर्गत एपीएफ फुटबल क्लबले दोस्रो जित हात पारेको छ । च्यासल मैदानमा बुधबार भएको खेलमा एपीएफले अर्का विभागीय टोली त्रिभुवन आर्मी फुटबल क्लबलाई १-० ले पराजित गर्‍यो ।

एपीएफलाई जित दिलाउन एकमात्र गोल मणी कुमार लामाले गरे । लामाले ३६ औँ मिनेटमा गरेको एकमात्रै गोलले एपीएफलाई महत्वपूर्ण ३ अंक दिलायो ।

---

जितसँगै एपीएफले चार खेलबाट ७ अंक जोडेको छ । एपीएफले यसअघि एक खेलमा जित, एक खेलमा पराजय र एक खेलमा बराबरीको नतिजा निकालेको थियो । यता आर्मीको भने यो पहिलो पराजय हो । यसअघि आर्मीले एक खेलमा जित हात पार्दा दुई खेलमा बराबरी खेलेको थियो ।