ओलम्पिक छनोटः नेपाल र भियतनामबीचको दोस्रो लेग आज

काठमाडौँ- महिला ओलम्पिक फुटबलको एसिया छनोटअन्तर्गत नेपाल र भियतनामबीचको दोस्रो लेग आज हुँदैछ । एसिया छनोटको पहिलो चरणअन्तर्गत नेपाल र भियतनामबीचको खेल त्रिपुरेश्वरस्थित दशरथ रंगशालामा साँझ ६ बजेबाट सुरु हुनेछ ।

यसअघि भएको पहिलो खेलमा भने नेपालले ५-१ गोलको फराकिलो अन्तरको पराजय भोगेको थियो । त्यसैले दोस्रो चरणमा स्थान बनाउन नेपालले भियतनामलाई पराजित गरेर मात्र पुग्दैन, नेपालले गोलअन्तर पनि बढाउनुपर्ने हुन्छ ।

---

पहिलो खेलमा शानदार जित हात पारेको भियतनाम भने सोही नतिजालाई कायम गर्ने सोचमा घरेलु टिमविरुद्ध मैदान उत्रनेछ ।

समूह ‘सी’ अन्तर्गत अफगानिस्तान र प्यालेस्टाइनल नाम फिर्ता लिएपनि नेपाल र भियतनामबीच दुई खेलाइने भएको हो ।