ला लिगाः बार्सिलोनाले गिरोनासँग बराबरी खेल्यो

काठमाडौँ- स्पेनिस ला लिगा फुटबलअन्तर्गत शीर्ष स्थानको बार्सिलोनाले गिरोनासँग अंक बाँडेको छ । सोमबार राति भएको खेलमा बार्सिलोनाले गिरोनासँग गोलरहित बराबरी खेल्दै अंक बाँडेको हो ।

बराबरीपछि पनि बार्सिलोनाले भने दोस्रो स्थानको रियल मड्रिडसँगको दूरी १३ अंकमा पुर्‍याएको छ । बार्सिलोनाले २८ खेलबाट ७२ अंक जोडेको छ । रियल मड्रिडको ५९ अंक छ । गिरोना भने ३५ अंकसहित ११ औँ स्थानमा छ ।  

---

रोबर्ट लेवान्डोस्कीले चौथो मिनेटमै गरेको प्रहार गोलपोस्ट भन्दा माथि गएपछि बार्सिलोनाले अंक बाड्नुपरेको हो ।