मिडफिल्डर अनिता बस्नेतले लर्ड्सबाट भारतीय लिग खेल्ने

काठमाडौँ- नेपाली राष्ट्रिय महिला फुटबल टिमकी मिडफिल्डर अनिता बस्नेतले लर्ड्स फुटबल एकेडेमीबाट भारतीय महिला फुटबल लिग खेल्ने भएकी छन् ।

भारतको कोचीमा रहेको लर्ड्स फुटबल एकेडेमीले महिला लिगका लागि नेपाली डिफेन्डर अनितासँगको सम्झौता गरेको सामाजिक सञ्जाल फेसबुकमार्फत जानकारी गराएको हो ।

---

यसअघि फरवार्ड रेखा पौडेलले ओडिसा एफसी, गोलरक्षक तथा कप्तान एन्जिला तुम्बापो सुब्बाले सेथु एफसी, फरवार्ड सावित्रा भण्डारीले गोकुलम केरला तथा मिडिफल्डर रेनुका नगरकोटे र सरु लिम्बुले किक स्टार्टबाट खेल्ने सम्झौता गरेका थिए ।

यता उमेर नपुगेपछि मिडफिल्डर दिपा शाहीले भने लर्ड्सबाट खेल्न नपाउने भएकी छन् । भारतीय महिला लिग खेल्न कम्तिमा पनि १८ वर्षको उमेर हुनुपर्नेमा दिपाको उमेर कम रहेको छ ।