चेल्सीले पोचेटिनोलाई प्रशिक्षक नियुक्त गर्दै

काठमाडौँ- इंग्लिस फुटबल क्लब चेल्सीले टोटेनहमका पूर्व प्रशिक्षक माउरिसियो पोचेटिनोलाई मुख्य प्रशिक्षक नियुक्त गर्ने भएको छ । चेल्सीले आगामी सिजनका लागि पोचेटिनोलाई मुख्य प्रशिक्षकमा नियुक्त गर्न लागेको स्काइस्पोर्ट्सले जनाएको छ ।

सन् २०१९ को नोभेम्बरमा टोटनहमले बर्खास्त गरेपछि पोचेटिनो पुनः इंग्लिस क्लबको मुख्य प्रशिक्षकको रुपमा फर्किन लागेका हुन् । उनले चेल्सका कार्यवाहक प्रशिक्षक फ्रान्क लामपार्डको स्थान लिनेछन् ।

---

यसअघि चेल्सीले अप्रिलको सुरुवातमै मुख्य प्रशिक्षक ग्राहम पोटरलाई बर्खास्त गरेपछि लामपार्ड कार्यवाहक प्रशिक्षक नियुक्त भएका थिए ।

फ्रेन्च क्लब पेरिस सेन्ट जर्मेनले गत वर्ष वर्खास्त गरेपछि पोचेटिनो कामविहिन बनेका थिए ।