नर्थ म्यासेडोनियाको पोस्टमा इंग्ल्यान्डको ७ गोल, फ्रान्स पनि विजयी

काठमाडौँ- युरो कप फुटबल छनोटअन्तर्गत इंग्ल्यान्डले नर्थ म्यासेडोनियाविरुद्ध सानदार जित हात पारेको छ । समूह ‘सी’ अन्तर्गत सोमबार राति भएको खेलमा इंग्ल्यान्डले नर्थ म्यासेडोनियालाई ७-० गोलअन्तरले पराजित गरेको हो ।

छनोटअन्तर्गत इंग्ल्यान्डले चार वटै खेलमा जित हात पारेको छ ।

---

इंग्ल्यान्डको जितमा बुकायो साकाले ह्याट्रिक पूरा गर्दा ह्यारी केनले २ तथा मार्कस रासफोर्ड र काल्भिन फिलिप्सले १-१ गोल गरे । साकाको यो करियरकै पहिलो ह्याट्रिक हो ।

यता समूह ‘बी’ मा रहेको फ्रान्सले भने ग्रिसलाई १-० ले पराजित गर्‍यो । फ्रान्सको जितमा कायलियन एमबाप्पेले निर्णायक गोल गरे । फ्रान्सको पनि छनोटअन्तर्गत यो चौँथो जित हो ।