फुटबल खेलका क्रममा भागदौड हुँदा दुईको मृत्यु

काठमाडौँ- सन् २०२४ को अफ्रिका कप अफ नेसन्स फुटबलका लागि भएको एक छनोट खेलका क्रममा भागदौड हुँदा कम्तिमा दुई जनाको मृत्यु भएको छ । अन्य कैयौ मानिस घाइते भएको अल-जजिराले जनाएको छ ।

गत शनिबार अफ्रिकी देश बेनिनको कोटोनाउस्थित स्टेड डु जेनरल म्याथ्यू केरेकोउमा आयोजक बेनिन र सेनेगलबीच भएको खेलका क्रममा भागदौड भएपछि दुई जनाको मृत्यु भएको स्थानीय संचारमाध्यम तथा फ्रान्सेली संचारमाध्यम आरएफआईले उल्लेख गरेको अल-जजिराले जनाएको छ ।

---

प्रत्यक्षदर्शीका अनुसार भर्खरै मैदानमा प्रवेश गरेकाहरुसँग जवरजस्ती मैदानमा प्रवेश गर्नेहरु ठोक्किएपछि तनाव सुरु भएको थियो । त्यसपछि भागदौड मच्चिएको थियो ।

बेनिनमा राष्ट्रिय फुटबल टिमको खेलका क्रममा दर्शकलाई निशुल्क प्रवेश दिइएपनि पास आवश्यक पर्छ । खेल सुरु हुने भन्दा ४८ घण्टाअघि नै सरकारले विभिन्न ९ स्थानबाट टिकट लिन मिल्ने व्यवस्था गरेको थियो ।

उक्त खेल भने १-१ को बराबरीमा टुंगिएको थियो ।