चेल्सीका डिफेन्डर कालिडोउ पनि साउदी क्लबमा

काठमाडौँ- इंग्लिस प्रिमियर लिग क्लब चेल्सीका डिफेन्डर कालिडोउ काउलिबेली पनि साउदी अरेबियन क्लबमा अनुबन्ध भएका छन् । बीबीसीले जनाएअनुसार सेनेगलका ३२ वर्षीय डिफेन्डरले साउदी प्रो लिग क्लब अल-हिलालमा आवद्ध भएका हुन् ।

तर कालिडोउको पारिश्रमिक भने खुलाइएको छैन । कालिडोउ गत जुलाई मै नापोलीबाट चार वर्षका लागि चेल्सीमा आएका थिए । उनले चेल्सीका लागि समग्रमा ३२ खेल खेल्दा प्रिमियर लिगको २३ खेलमा २ गोल गरे ।

---

गत हप्ता नै इंग्लिस क्लब वुल्भ्सका कप्तान रुबेन नेभेस साउदीको अल-हिलालमा ४७ मिलियन पाउन्डमा आवद्ध भएका थिए । चेल्सीकै मिडफिल्डर एन’गोलो कान्टे पनि साउदीको प्रो लिग च्याम्पियन अल-इत्तिहादका लागि खेल्ने सम्झौता गरेका छन् ।

चेल्सी तथा सेनेगलकै गोलरक्षक इडोआर्ड मेन्डी पनि अल-अहलीमा खेल्ने सम्झौताको नजिक पुगेका छन् ।