पीएसजीका गोलकिपर डोनारुमाको पेरिसस्थित आफ्नै घरमा आक्रमण र लुटपाट

काठमाडौँ- फ्रेन्च क्लब पेरिस सेन्ट जर्मेन (पीएसजी) का गोलकिपर जियानलुइगी डोनारुमाको पेरिसस्थित आफ्नै घरमा आक्रमण र लुटपाटमा परेका छन् ।

इटालियन गोलकिपर डोनारुम्मा र उनकी श्रीमतीमाथि बिहीबारदेखि शुक्रबार राति पेरिसको ८औँ एरोन्डिसमेन्टमा रहेको आफ्नै घरमा आक्रमण भएको फ्रान्सेली पत्रीका एसीटीयू १७ ले जनाएको छ ।  

---

अपराधीहरूले ढोका तोडेर घरभित्र प्रवेश गरेका थिए । दम्पतीलाई बाँधिएर बन्धक बनाएको र लगभग ५ लाख यूरो बराबरको सामान लुटिएको उल्लेख गरिएको छ । 

पीडितहरू बिहान ३:२० बजेतिर आफ्नो घरभन्दा टाढा रहेको एउटा होटेलमा शरण लिन सफल भएपछि होटेलका कर्मचारीले प्रहरीलाई खबर गरेका थिए ।