फिफा विश्वकपः जापान प्रि-क्वार्टरफाइनलनजिक

काठमाडौँ- जापान फिफा महिला विश्वकप फुटबलको प्रि-क्वार्टरफाइनलनजिक पुगेको छ ।

समूह ‘सी’ मा रहेको जापानले लगातार दोस्रो जित हात पार्दै अन्तिम १६ को सम्भावना बलियो बनाएको हो ।

---

न्यूजिल्यान्डको डुनेडिन स्टेडियममा आज भएको खेलमा कोस्टा रिकालाई २-० ले पराजित गर्दै जापानले दोस्रो जित हात पारेको हो ।

यसअघि जापानले जाम्बियालाई ५-० ले पराजित गरेको थियो ।

आजको खेलमा जापानलाई जित दिलाउन हिकारु नाओमोटो र आओबा फुजिनोले एक-एक गोल गरे ।

हिकारुले २५ औँ मिनेटमा गोल गर्दै जापानलाई अग्रता दिलाउँदा आओबाले २७ औँ मिनेटमा टिमका लागि दोस्रो गोल गरिन् ।

यससँगै जापानले २ खेलबाट ६ अंक जोडेको छ । यसै समूहमा रहेको स्पेनको ३ अंक छ ।