फिफा विश्वकपः स्पेन र जापान अन्तिम १६ मा

काठमाडौँ- स्पेन र जापान फिफा महिला विश्वकप फुटबलको प्रि-क्वार्टरफाइनलमा प्रवेश गरेका छन् ।

समूह ‘सी’ अन्तर्गत स्पेन र जापान दुवैले समान २-२ खेल जित्दै अन्तिम १६ मा प्रवेश गरेका हुन् । यस समूहमा दुवै खेलमा पराजय भोगेका कोस्टा रिका र जाम्बिया समूह चरणबाटै बाहिरिएका छन् ।

---

स्पेनले दोस्रो खेलमा जित हात पार्न जाम्बियालाई ५-० ले पराजित गर्‍यो । स्पेनको जितमा जेनिफर हर्मोसो र अल्बा रेडोन्डोले २-२ तथा टेरेसा अबेलेराले एक गोल गरे ।

स्पेनका लागि एक सयौं खेल खेलेकी जेनिफरले ५० औँ अन्तर्राष्ट्रिय गोल पूरा गरिन् ।