एल क्लासिकोमा बार्सिलोनाको सहज जित

काठमाडौँ- बार्सिलोनाले मैत्रीपूर्ण फुटबल खेलमा रियल मड्रिडमाथि सहज जित निकालेको छ । अमेरिका भ्रमणमा रहेका दुई टोलीबीच आज भएको खेलमा बार्सिलोनाले मड्रिडलाई ३–० गोलले  हराएको हो ।

प्रिसिजन टूरमा रहेको बार्सिलोनाका लागि ओसामाने डेम्बेलेले १५ औँ मिनेटमा गोल गर्दै अग्रता दिलाएका थिए ।

---

खेलको २० औँ मिनेटमा मड्रिडलाई पेनाल्टी मार्फत गोल गर्ने मौका मिलेपनि भिनिसियस जुनियरले त्यो मौका सदुपयोग गर्न सकेनन् ।

बार्सिलोनाको लागि ८५ औँ मिनेटमा लोपेज मार्टिनले उत्कृष्ट गोल गर्दै अग्रता दोब्बर पारेका थिए ।

दोस्रो हाफको इन्जुरी समयमा फेरान टोरेशले तेस्रो गोल गर्दा बार्सिलोनाले मड्रिडविरुद्ध सहज जित निकालेको हो ।

बार्सिलोनाले अर्को खेल बुधबार एसी मिलानविरुद्ध खेल्दा मड्रिडले बिहीबार युभेन्टससँग अर्को खेल खेल्ने तालिका रहेको छ ।