लिभरपुलका मिडफिल्डर फाबिन्हो साउदी क्लबमा

काठमाडौँ- इंग्लिस फुटबल क्लब लिभरपुलका मिडफिल्डर फाबिन्हो साउदी अरेबियन क्लब अल-इत्तिहादमा अनुबन्ध भएका छन् ।

ब्राजिलियन मिडफिल्डर फाबिन्होले साउदी प्रो लिग क्लबसँग ३ वर्षको सम्झौता गरेको बीबीसीले जनाएको छ ।

---

२९ वर्षीय फाबिन्होका लागि अल-इत्तिहादले ४० मिलियन पाउन्ड खर्चिएको बताइएको छ ।

ब्राजिलका लागि २९ खेल खेलेका फाबिन्हो सन् २०१८ मा मोनाकोबाट लिभरपुल आएका थिए ।

अल-इत्तिहादमा बालोन डी’ओर विजेता तथा रियल मड्रिडका पूर्व स्ट्राइकर करिम बेन्जेमा, चेल्सीका पूर्व मिडफिल्डर एन’गोलो कान्टे तथा सेल्टिकका पूर्व फरवार्ड जोटा पनि अनुबन्ध भएका छन् ।