भियतनामको पोस्टमा नेदरल्यान्ड्सको ७ गोल, पोर्चुगलले साविक विजेतालाई रोक्यो

काठमाडौँ- फिफा महिला विश्वकप फुटबलअन्तर्गत नेदरल्यान्ड्सले भियतनामविरुद्ध गोलको वर्षा गरेको छ ।

समूह ‘ई’ अन्तर्गत न्यूजिल्यान्डको डुनेडिन स्टेडियममा आज भएको खेलमा नेदरल्यान्ड्सले भियतनामलाई ७-० ले पराजित गरेको हो । जितसँगै साविक उपविजेता नेदरल्यान्ड्स समूह विजेताको रुपमा अन्तिम १६ मा प्रवेश गरेको छ ।

---

नेदरल्यान्ड्सलाई जित दिलाउन इस्मी ब्रट्स र जिल रुडले २-२ तथा ड्यानली भान डी डोङ, काट्जा स्नोइज्स र लाइकी मार्टेन्सले एक-एक गोल गरे ।

यसै समूहको अर्को खेलमा पोर्चुगलले भने साविक विजेता अमेरिकाले भने पोर्चुगलसँग गोलरहित बराबरी खेलेको छ । यससँगै अमेरिका समूहको उपविजेताको रुपमा अन्तिम १६ मा प्रवेश गरेको छ ।

नेदरल्यान्ड्सले ७ तथा अमेरिकाले ५ अंकसहित समूहको शीर्ष दुई स्थानमा रहे ।