प्रि-सिजन टूरको अन्तिम खेलमा बार्सिलोना विजयी

काठमाडौँ- स्पेनिश क्लब बार्सिलोनाले मैत्रीपूर्ण फुटबल खेलमा इटालियन क्लब एसी मिलानलाई पराजित गरेको छ ।

अमेरिकाको लास भेगसस्थित एलिजियन्ट स्टेडियममा आज भएको खेलमा बार्सिलोनाले मिलानलाई १–० गोलले पराजित गरेको हो ।

---

३८ हजार ९८६ दर्शक सामु भएको खेलमा बार्सिलोनाका लागि अंशु फातीले ५५ औँ मिनेटमा गरेको गोलनै निर्णायक बन्यो ।

यसैसँग बार्सिलोनाको अमेरिकामा प्रि-सिजन टूर सकिएको छ ।

डिफेन्डिङ ला लिगा च्याम्पियन बार्सिलोनाले ला लिगाको घरेलु सिजन सुरु गर्नुअघि टोटेनहमविरुद्ध अन्तिम प्रि-सिजन खेल खेल्नेछ । बार्सिलोनाले अगस्ट १३ मा गेटाफेसँग खेल्दै ला लिगाको सुरुवात गर्नेछ ।