फिफा विश्वकपः अर्जेन्टिनालाई हराउँदै स्विडेन अन्तिम १६ मा

काठमाडौँ- अर्जेन्टिनालाई हराउँदै स्विडेन फिफा महिला विश्वकप फुटबलको अन्तिम १६ मा प्रवेश गरेको छ ।

अर्जेन्टिनालाई २-० ले पराजित गर्दै स्विडेन समूह ‘जी’ को समूह विजेताको रुपमा नकआउट चरणमा प्रवेश गरेको हो ।

---

स्विडेनलाई जित दिलाउन रेबेका ब्लोम्कभिस्टले ६६ औँ मिनेट तथा एलिन रुवेसनले ९० औँ मिनेटमा पेनाल्टीमार्फत एक-एक गोल गरे ।

यससँगै स्विडेनले समूह चरणको तीनवटै खेल जित्दै ९ अंक जोडेको छ । अर्जेन्टिनाले भने एक बराबरी तथा दुई खेलमा पराजय हुँदै समूह चरणबाटै बाहिरिएको छ ।