फिफा विश्वकपः स्विट्जरल्यान्डलाई हराउँदै स्पेन क्वार्टरफाइनलमा

काठमाडौँ- स्पेन फिफा महिला विश्वकप फुटबलको क्वार्टरफाइनलमा प्रवेश गरेको छ ।

न्यूजिल्यान्डको इडेन पार्कमा आज भएको प्रि-क्वार्टरफाइनल खेलमा स्विट्जरल्यान्डलाई ५-१ गोलअन्तरले पराजित गर्दै स्पेन अन्तिम ८ मा पुगेको हो ।

---

स्पेनलाई जित दिलाउन आइताना बोनमातीले २ तथा अल्बा रेडोन्डो, लाइया कोडिना र जेनिफर हरमोसोले एक-एक गोल गरे ।

स्पेनकी लाइया कोडिनाले एक आत्मघाती गोल पनि गरिन् ।

स्पेन पहिलो पटक क्वार्टरफाइनल प्रवेश गरेको हो ।