एफए कम्युनिटी शिल्डको फाईनल खेल आज हुँदै

काठमाडौँ- गत सिजनको ट्रेबल विजेता म्यानचेस्टर सिटीले आज एफए कम्युनिटी शिल्डको फाईनल खेलमा आर्सनलसँग भिड्दै छ ।

सिटी र आर्सनलबीचको खेल लन्डनको वेम्बली स्टेडियममा नेपाली समयअनुसार राती ८:४५ बजेबाट सुरु हुनेछ ।

---

कम्युनिटी शिल्ड इंग्लिश फुटबलको वार्षिक खेल हो जसमा अघिल्लो सिजनको प्रिमियर लिग र एफए कप विजेताहरू बीच प्रतिस्पर्धा हुन्छ ।

तर प्रिमियर लिग र एफए कप दुबैको विजेता म्यानचेस्टर सिटी भएसँगै पेप गार्डियोलाको टोलीले प्रिमियर लिगको उपविजेता आर्सनलसँग खेल्न लागेको हो ।

अगस्ट ११ देखि प्रिमियर लिग सिजनको सुरुवात हुनु अघि यो अन्तिम खेल पनि हो ।

म्यानचेस्टर सिटीले सन् २०१९ पछि पहिलो कम्युनिटी शिल्डको उपाधि जित्न खोजी रहेको छ भने आर्सनललाई १७ औं उपाधि जित्ने मौको छ । सिटीले अहिलेसम्म ६ पटक कम्युनिटी शिल्ड जितेको छ ।