सिटीलाई हराउँदै आर्सनलले जित्यो एफए कम्युनिटी शिल्डको उपाधि

काठमाडौँ- आर्सनलले एफए कम्युनिटी शिल्डको उपाधि जितेको छ । आइतबार राति वेम्बली स्टेडियममा भएको खेलमा म्यानचेस्टर सिटीलाई पराजित गर्दै आर्सनलले उपाधि जितेको हो ।

निर्धारित ९० मिनेट तथा थप गरिएको समयमा दुवै टिमले १-१ गोलको बराबरी खेलेपछि पेनाल्टीमार्फत विजेताको टुंगो लागेको थियो ।

---

पेनाल्टीमा आर्सनलले सिटीलाई ४-१ ले पराजित गर्‍यो ।

त्यसअघि कोल पाल्मरले ७७ औँ मिनेटमा गोल गर्दै सिटीलाई अग्रता दिलाएका थिए । तर १०१ औँ मिनेटमा लियान्ड्रो ट्रोसार्डले आर्सनलका लागि बराबरी गोल गरे ।