डुरान्ड कपः त्रिभुवन आर्मी र दिल्ली एफसी बराबरीमा रोकिए

काठमाडौँ- भारतमा जारी डुरान्ड कप फुटबल प्रतियोगिताअन्तर्गत नेपालको त्रिभुवन आर्मी फुटबल क्लबले भारतको दिल्ली एफसीसँग बराबरी खेलेको छ ।

समूह ‘ई’ अन्तर्गत असामको ककराझारस्थित साई स्टेडियममा आज भएको खेलमा आर्मीले दिल्लीसँग १-१ गोलले बराबरी खेलेको हो ।

---

आर्मीका लागि दिनेश हेन्जन एक गोल गरे । दिल्लीका लागि गिरिक खोस्लाले एक गोल फर्काए ।  

हेन्जनले ४० औँ मिनेटमा गोल गर्दै आर्मीलाई अग्रता दिलाए पनि गिरिकले ८७ औँ मिनेटमा गोल गर्दै खेललाई बराबरीमा ल्याए ।  

आर्मीले दोस्रो खेल चेन्नइयन एफसीविरुद्ध अगस्ट १४ मा खेल्नेछ ।