हालान्डको दुई गोलमा साविक विजेता म्यानचेस्टर सिटीको विजयी सुरुवात

काठमाडौँ- इंग्लिस प्रिमियर लिगअन्तर्गत साविक विजेता म्यानचेस्टर सिटीले विजयी सुरुवात गरेको छ ।

टर्फ मुर स्टेडियममा शुक्रबार राति भएको खेलमा सिटीले बर्नलीमाथि ३-० को जित हात पारेको हो ।

---

सिटीको जितमा अर्लिङ हालान्डले २ तथा रोड्रीले एक गोल गरे । हालान्डले चौँथो र ३६ औँ मिनेटमा गोल गरे भने रोड्रीले ७५ औँ मिनेटमा सिटीका लागि तेस्रो गोल गरे ।

बर्नलीका अनास जारोउजीले दोस्रो हाफको इन्जुरी समयमा रातो कार्ड खाए ।