ला लिगाः रायो भालेकानो र भ्यालेन्सियाको विजयी सुरुवात

काठमाडौँ- स्पेनिस ला लिगा फुटबलअन्तर्गत रायो भालेकानो र भ्यालेन्सियाले विजयी सुरुवात गरेका छन् ।

शुक्रबार राति भएको खेलमा रायो भालेकानोले अल्मेरियालाई २-० ले पराजित गरेको हो ।

---

रायो भालेकानोको जितमा इसी पालाजोन र रान्डी एनटेकाले पेनाल्टीमार्फत एक-एक गोल गरे ।

यता भ्यालेन्सियाले १० खेलाडीमा सिमित सेभिल्लालाई २-१ ले पराजित गरेको हो ।

भ्यालेन्सियाको जितमा माउक्टर डियाख्बी र जाभी गुएराले एक-एक गोल गरे । सेभिल्लाका लागि युसोफ एन-नेसरीले एक गोल फर्काए ।

सेभिल्लाका लुइक बाडे ८१ औँ मिनेटमा रातो कार्ड खाँदै मैदान बाहिरिए ।