मेस्सीआवद्ध मियामी लिग कपको सेमिफाइनलमा

काठमाडौँ- अर्जेन्टिनी फुटबल स्टार लियोनल मेस्सीआवद्ध भएको अमेरिकी क्लब इन्टर मियामी लिग कपको सेमिफाइनलमा प्रवेश गरेको छ ।

शनिबार बिहान भएको क्वार्टरफाइनल खेलमा चार्लोटलाई ४-० गोलअन्तरले पराजित गर्दै मियामी अन्तिम चारमा प्रवेश गरेको हो ।

---

मियामीको जितमा लियोनल मेस्सी, रोबर्ट टेल र जोसेफ मार्टिनेजले एक-एक गोल गरे । चार्लोटका एडिल्सन मालान्डले एक आत्मघाती गोल गरे ।

मेस्सीले मियामीका लागि लगातार पाँच खेलमा गोल गरेका छन् । उनले मियामीका लागि ८ गोल गरिसकेका छन् ।