बार्सिलोनाका ओसामाने डेम्बेले पेरिस सेन्ट जर्मनमा आबद्ध

काठमाडौँ- बार्सिलोनाका फरवार्ड खेलाडी ओसामाने डेम्बेले पेरिस सेन्ट जर्मन (पिएसजी) मा आबद्ध भएका छन् ।

फ्रेन्च क्लब पिएसजीले डेम्बेले भित्र्याउन ५०.४ मिलियन तिरेको बार्सिलोनाले जनाएको छ । अन्तिम शुल्कको केही रकम खेलाडीले पनि पाउनेछन् ।

---

डेम्बेलेले पिएसजीसँग ५ वर्षको सम्झौता पत्रमा हस्ताक्षर गरेका छन् ।

डेम्बेले सन् २०१७ मा नेयमारको स्थान लिन बार्सिलोना आएका थिए । बार्सिलोनाले बोरुसिया डर्टमण्डलाई १०५ मिलियन युरो तिरेर डेम्बेले भित्र्याएको थियो ।

बार्सिलोनामा डेम्बेलेले ६ सिजनमा १८५ खेल खेल्दै ६२ गोल र ४३ असिस्ट गरेका थिए ।