साउथह्याम्प्टनका कप्तान जेम्स वार्ड-प्राउझ वेस्ट ह्याममा आवद्ध

काठमाडौँ- साउथह्याम्प्टनका कप्तान जेम्स वार्ड-प्राउझ वेस्ट ह्याममा अनुबन्ध भएका छन् ।

इंग्लिस क्लब वेस्ट ह्यामले २८ वर्षीय जेम्स भित्र्याउन साउथह्याम्प्टनलाई ३० मिलियन पाउन्ड तिरेको स्काई स्पोर्ट्सले जनाएको छ ।

---

उनले चार वर्षको सम्झौता पत्रमा हस्ताक्षर गरेका छन् ।

आठ वर्षको उमेरदेखि साउथह्याम्प्टनमा आवद्ध भएका मिडफिल्डरले २० वर्षपछि क्लब छाडेका हुन् । जेम्सले साउथह्याम्प्टनका लगि ४ सय १० खेल खेल्दै ५५ गोल गरेका थिए ।

गत सिजन साउथह्याम्प्टन प्रिमियर लिगबाट च्याम्पियनसीपमा झर्दा उनले ११ गोल गरेका थिए ।