रियल मड्रिडले भित्र्यायो चेल्सीका गोलकिपर केपा

काठमाडौँ- स्पेनिस क्लब रियल मड्रिडले इंग्लिस क्लब चेल्सीका गोलकिपर केपा अरिजाबालागा भित्र्याएको छ ।

गत शुक्रबार थिबाउट कोर्टुवा घाईते भएपछि मड्रिड गोलकिपरको खोजीमा थियो । केपा एक सिजनका लागि मड्रिडमा 'लोन'मा भित्रिएका हुन् ।

---

स्पेनको राष्ट्रिय टोलीबाट खेल्दै आएका केपाले बायर्न म्युनिखमा नगई आफ्नो देश फर्कने विकल्प रोजेका हुन् ।

चेल्सीमा सन् २०१८ मा आवद्ध भएयता २८ वर्षीय केपाले १६३ खेल खेलेका छन् । चेल्सीले गोलकिपरको लागि विश्व कीर्तिमानी ७१.६ मिलियन पाउन्ड तिर्दै एथलेटिक बिल्बाओबाट केपालाई भित्र्याएको थियो ।