मेस्सीले उत्कृष्ट गोल गर्दा मियामी पहिलो पटक फाइनलमा

काठमाडौँ- अर्जेन्टिनी फुटबल स्टार लियोनल मेस्सीले उत्कृष्ट गोल गर्दा अमेरिकी क्लब इन्टर मियामी पहिलो पटक लिग्स कपको फाइनलमा प्रवेश गरेको छ ।

बुधबार बिहान भएको सेमिफाइनल खेलमा फिलाडेल्फियालाई ४-१ गोलअन्तरले पराजित गर्दै मियामी उपाधि नजिक पुगेको हो ।

---

मियामीको जितमा लियोनल मेस्सी, जोसेफ मार्टिनेज, जोर्डी अल्बा र डेभिड रुइजले एक-एक गोल गरे । फिलाडेल्फियाका लागि एक मात्र गोल अलेजान्ड्रो बेडोयाले गरे ।

मेस्सीले मियामीका लागि लगातार ६ खेलमा गोल गरेका छन् । उनले मियामी क्लबमा आवद्ध भएदेखि ६ खेलमा ९ गोल र १ असिस्ट गरिसकेका छन् ।

मियामीले अब आइतबार बिहान न्यासभिल एससीसँग उपाधिका लागि भिड्ने छ ।