इंग्ल्यान्डका पूर्व विंगर थियो वालकोटले लिए फुटबलबाट सन्यास

काठमाडौँ- इंग्ल्यान्ड तथा आर्सनलका पूर्व विंगर थियो वालकोटले फुटबलबाट सन्यासको घोषणा गरेका छन् ।

इंग्ल्यान्डका लागि ४७ खेल तथा विभिन्न क्लबका लागि ५ सय ६३ खेल खेलेका वालकोटले ३४ वर्षको उमेरमा फुटबलबाट सन्यास लिएको स्काइ स्पोर्ट्सले जनाएको छ ।

---

गत सिजन इंग्लिस क्लब साउथाम्पटनबाट खेल्दै विदा भएका वालकोटले सन्यासको घोषणा गरेका हुन् ।

यसअघि उनी बर्नमाउथ तथा लिग वान क्लब रिडिङमा जाने चर्चा चलिरहेको थियो ।

वालकोटले विभिन्न खेलमा गरी १ सय २९ गोल गरेका छन् ।

उनले इंग्लिस प्रिमियर लिगमा आर्सनल, एभर्टन र साउथाम्पटनका लागि ३ सय ९७ खेलमा ८० गोल गरेका छन् ।