ला लिगाः रियल मड्रिडको लगातार दोस्रो जित, बार्सिलोना आज राति खेल्दै

काठमाडौँ- स्पेनिश घरेलु लिग ला लिगामा रियल मड्रिडले लगातार दोस्रो जित निकालेको छ ।

शनिबार राति भएको खेलमा अल्मेरियालाई ३-१ गोलले पराजित गर्दै मड्रिडले खेलेका दुवै खेलमा जित निकालेको हो ।

---

मड्रिडको जितमा जुड बेलिङ्घमले खेलको १९ औँ र ६० औँ मिनेटमा दुई गोल गरे । खेलको ७३ औँ मिनेटमा भिनिसियस जुनियरले गोल गर्दै मड्रिडको जित सुनिश्चित गरे ।

अल्मेरियाका लागि सर्जियो अरीबासले खेलको तेस्रो मिनेटमा गोल गरेपनि अग्रता जोगाउन नसक्दा हार बेहोरेको हो ।

दुई खेल जितेको मड्रिड ६ अंक सहित शीर्ष स्थानमा छ भने अल्मेरिया दुवै खेलमा हार बेहोर्दै अन्तिम स्थानमा रहेको छ ।

साविक विजेता बार्सिलोनाले भने आज राति काडिजसँग खेल्दै छ । पहिलो खेलमा बराबरीमा रोकिएको बार्सिलोना आज राति जितको खोजीमा हुनेछ ।