प्रिमियर लिगः वेस्ट ह्यामसँग चेल्सी पराजित

काठमाडौँ- इंग्लिस प्रिमियर लिगअन्तर्गत वेस्ट ह्याम र एस्टन भिल्लाले जित हात पारेका छन् ।

आइतबार राति भएको खेलमा वेस्ट ह्यामले चेल्सीमाथि ३-१ को शानदार जित हात पारेको हो ।

---

वेस्ट ह्यामको जितमा नायफ अगुयर्ड, मिकाइल एन्टोनियो र लुकास पाक्वेटाले एक-एक गोल गरे ।

चेल्सीका लागि कार्नी चुक्वेइमेकाले एक गोल फर्काए । पहिलो खेलमा बराबरी खेलेको चेल्सी दोस्रो खेलमा पराजित भएको हो ।

अर्को खेलमा एस्टन भिल्लाले एभर्टनलाई ४-० ले पाखा लगायो । एस्टन भिल्लाको जितमा जोन म्याकगिन, डोगलास लुइज, लियोन बेली र झोन डुरानले एक-एक गोल गरे ।