साफ यू-१६ च्याम्पियनसीपका लागि नेपाली टोली घोषणा

काठमाडौँ- भुटानमा हुने साफ यू-१६ च्याम्पियनसीप फुटबलका लागि नेपाली टोली घोषणा भएको छ । अखिल नेपाल फुटबल संघ (एन्फा) ले सोमबार च्याम्पियनसीपका लागि २३ सदस्यीय टोली घोषणा गरेको हो ।

च्याम्पियनसीप सेप्टेम्बर १ देखि १० सम्म भुटानको थिम्पुमा हुने तालिका रहेको छ ।

---

च्याम्पियनसीपका लागि नेपाल समूह ‘ए’ मा रहेको छ । यस समूहमा भारत र बंगलादेश पनि रहेका छन् ।

समूह चरणमा नेपालले पहिलो खेल बंगलादेशविरुद्ध सेप्टेम्बर ३ तथा दोस्रो खेल भारतविरुद्ध सेप्टेम्बर ५ मा खेल्ने तालिका रहेको छ ।