साविक विजेता बार्सिलोनाले जित हात पार्दा गोलको वर्षा

काठमाडौँ- स्पेनिस ला लिगाअन्तर्गत साविक विजेता बार्सिलोनाले जित हात पारेको खेलमा गोलको वर्षा भएको छ ।

आइतबार भएको खेलमा बार्सिलोनाले भिल्लारियललाई ४-३ गर्दा समग्रमा ७ गोल भएको थियो ।

---

बार्सिलोनाको जितमा गाभी, फ्रेन्की डी जोङ, फेरान टोरेस र रोबर्ट लेवान्डोस्कीले एक-एक गोल गरे ।

भिल्लारियलका लागि जुआन फोयथ, अलेक्जान्डर सोरलोथ र अलेक्स बाएनाले एक-एक गोल फर्काए ।

जितसँगै ३ खेलबाट ७ अंक जोडेको बार्सिलोना तालिकाको तेस्रो स्थानमा उक्लिएको छ ।