साविक विजेता सिटी र लिभरपुलको जित

काठमाडौँ- इंग्लिस प्रिमियर लिग फुटबलअन्तर्गत साविक विजेता म्यानचेस्टर सिटी र लिभरपुलले जित हात पारेका छन् ।

आइतबार राति भएको खेलमा सिटीले सेफिल्ड युनाइटेडलाई २-१ ले पराजित गर्‍यो । सिटीको जितमा अर्लिङ हालान्ड र रोड्रीले एक-एक गोल गरे । शेफिल्डका लागि जयदेन बोग्लेले एक गोल फर्काए ।

---

जारी लिगमा यो लगातार तेस्रो जित हो । यससँगै सिटी ९ अंकसहित शीर्ष स्थानमा यथावत रहेको छ ।

यता अर्को खेलमा लिभरपुलले न्यूकासललाई २-१ गोलले पराजित गर्‍यो । त्यसैगरी, एस्टन भिल्लाले बर्नलीलाई ३-१ ले हरायो ।