ला लिगाः रायो भालेकानोको पोस्टमा मड्रिडको ७ गोल

काठमाडौँ- स्पेनिस ला लिगा फुटबलअन्तर्गत एटलेटिको मड्रिडले रायो भालेकानोविरुद्ध शानदार जित हात पारेको हो ।

सोमबार राति भएको खेलमा मड्रिडले रायो भालेकानोलाई ७-० गोलअन्तरले पराजित गरेको हो ।

---

मड्रिडको जितमा अल्भारो मोराटाले दुई गोल गर्दा एन्टोइन ग्रिजम्यान, मेम्फिस डिपे, नाहुएल मोलिना, एन्जेल कोरिया र मार्कोस लोरेन्टले एक-एक गोल गरे ।

यससँगै तीन खेलबाट ७ अंक जोडेको एटलेटिको मड्रिड अंक तालिकाको दोस्रो स्थानमा उक्लिएको छ ।

यता तीन खेलमा पहिलो पराजय भोगेको रायो भालेकानो भने ६ अंकसहित आठौं स्थानमा झरेको छ ।